من افضل الدكاتره الي تاخذون عندهم انجليزي تميهدي متعاون مع الطلبه وماياخذ المحاضره كامله واغلب المحاضره يسولف مع الطلبه ويضحك بس مايحب الي يستخدم تلفونه بالمحاضره ولازم يكون طافي قبل تدخل فقط احرص على المشاركه والحضور لان يعطي بونصات عليهم واختباراته سهله جداً ومن افضل الدكاتره بالشرح ولو تحصل لي فرصه ثانيه اخذ عنده خذيت

الدكتور وايد محترم و ما يفرق بين اللي مُتقن اللغة و اللي مو مُتقنها، أهم شي عنده الالتزام و الحضور، والصراحة كلاسه كان ممتع جدًا، كان معطينا (10 small talks) يعني بس نقوم و نتكلم عن اي شي احنا نعرف لمدة دقيقتين بس (كان يقول لنا بس قوموا و سولفوا)، و اللي يقدم اكثر من 10 مرات ياخذ بونص، امتحاناته سهله و كـ شرح و تأسيس ف انا اشوف من افضل الدكاترة حق التأسيس، أهم شي تشاركون و تسوون كل الـ small talks و ما تخلونهم اقل من عشرة و ان شاء الله تاخذون الـ A.