الدكتوره عسل متعاونه ومتساهله جدا مع الطلبه وتسوي مراجعات قبل الميد والفاينل وعندها كويز كل اسبوع وتسوي قبل الكويز هم مراجعه وكوزاتها واختباراتها جدا سهله وما تطلع من المراجعه
انصح فيها صج ما تحسفت خذيت عندها التمهيدي و باخذ الانقلش ١ متعاونة و حقانية حيل و قلبها على الطلبة و شرحها قوييي لي درجة أنا ما ادرس القواعد اول باول قبل الامتحان بجم يوم درست تذكرت من شرحها و حليت بالامتحان و نجحت و تسوي كويزات كل اسبوع تساعد على تثبيت القاعدة
ملاحظة تشدد على التأخير لازم على الوقت بالضبط و ما تحب احد يمسك التلفون كلش و ما هي مصيبة الصراحة
مستحيل أغيب عندها من كثر ما انه شرحها ما يتطوف قوي و يثبت بالمخ و تلاقون الكل يسجل لهسبب بس ما تعطي ببلاش كل واحد على قد تعبه من سلبيتها عصبية صارمة جدا عليها فصلات لا تحتمل ما تتساهل بالغششش عادي عادي تنفصل من الجامعة ، تدرس تمهيدي سهل بس ركزوا بالقواعد مهمة و تتكرر بالسنين الياية و تدرس انقلش 1 تراكمي حيل و إذا ما فهمتوا الأساس بتضيعون بالباجي كل درس مرتب باللي قبله أبدا مافي مجال للمراكمة
انصح حيل تأخذون عندها الدكتوره فعلا محترمه وتقدر الطلبه وما تقصر بالشرح، الصراحه اشكرها على جهودها