مو فاهمه هالذم كله .. الريال سيده وبالنهايه تصليح الكوز والهومورك بس اللي بايده الفاينل و المدتيرم الكل يصححه .. الكلاس ساعه وثلث ما تتحملون تمسكون تلفون .. معناته انتو ماتبون تدرسون .. الحق حق الدكتور يفهم ويحب اللي يشارك معاه وما يحفظج الا لي صرتي تروحين له المكتب .. ( ياخذ اتندنس بالوقت .. ما يرضى تمسكون تلفون .. ما تطلعون بره الكلاس لو شنو )

ممتاز بالشرح ويحب الطالب يحضر وينتبه معاه طول الكلاس ما يسمح حق احد يطلع الا اذا emergency وممنوع احد يستخدم التلفون او يسولف مع اللي يمه بالبداية الطالب ممكن ما يحب هالنظام بس بعدين الكل يتعود وامتحاناته مو صعبه وماتطلع من السلايدات ولا من شرحه بالكلاس

اهو دكتور مشكلته ما عنده اسلوب ما يعرف ياخذ اللي يبيه من الطلبه بأسلوب حلو لازم يبهذلهم ويزفهم وهالشي مو حلو صراحه شرحه قوي يفهم بالنسبه للدرجات يعطيكم حقكم لا زياده ولا نقصان تصليحه حيل حلو يحاول يشوف الصح مو الخطا وترا والله طيب بس ما يحب يبين هالطيبه + ان فيه انفصام شخصيه يوم اقول حرام ظلموه خوش دكتور ويوم اقول قليل بحقه السب يحب الطلبه الشطار وما يزفهم كلش كلش زبده الكلام اقعدو قدام شاركو معاه راح تطلعون بقريد عالي