اختبارتها اقرب للصعبة بس مو مستحيلة واذا كان في ندوات بالكلية تعطي على الحضور بونص وباختباراتها في اسئله بونص واذا غيابكم اكثر من ٣ تنقص واذكر الفاينل عندها كان عليه ٥٠ وعندها مدتيرمين

المحاضره ممتعه والدكتوره حقانيه واختباراتها مو تعجيزيه بس تبي تركيز شوي وبالكلاس تذكر شغلات تدش بالاختبار بس الحضور ما تط عليه درجات

.

الدكتوره عسل وتعطيك حقج ماذكر إذا رفعت بس تعطيج قريد يرضيج

الدكتوره تهبل الصراحه عندها ميدين كل واحد عليه ٢٢ وماتعطي واجبات شعبتنا مااذكر عطتنا واجب وماترفع بس حقانيه عندها بونصات تزيد درجاتج وامتحاناتها متوسطه زينه وتعطي اوف عندنا كتاب مولازم تجيبونه وفي ملخص اسمه الاسس التربويه رسوم وتوضيحات يهببلل حيل مسهل الماده وتجيب منه ومنه الكتاب امتحاناتها فيها تركات بس اذا درستي عدل تحلينها

الدكتوره كانت ماتحضر اغلب الكلاسات وماتعتذر ، كانت تحضر بنص الكلاس وكانت تقول مالي خلق اخذ الحضور وتقوم وحده من البنات تاخذ الحضور بدالها ، عطتني c+ مع اني كنت مسويه بحث بس ماحطت لي الدرجه و ظلمتني

خذيت عندها أصول نظامها ميدين واحد عليه 23 و الثاني 24 ومايدشون بالفاينل حضور 4 تقرير 6 بونصها 3 درجات ( تقديم جزء من المقرر ) فاينل 40 شرحها عادي وما تعطي اوف كلش اختباراتها مكرره في افضل