خذيت عندها مدخل إعلام. تهتم بالحضور و تنبه إذا زاد الغياب، بس تقدر تدش بأي وقت من غير تأخير و ما تسوي سالفة. شرحها زين و فيه معلومات زيادة لازم تكتبونها لأنها تجيبها بالامتحان. تسأل أسئلة و تبي الإجابة من قوقل بسرعة، و اللي يجاوب تاخذ منه بونص. ماكو واجبات. بس أسئلتها بالامتحان تلخبط و تعيد نفس السؤال بأكثر من طريقة. أول امتحان ما جبت درجة زينة، ثاني امتحان نطيت وجبت درجة كاملة لأن المحتوى أسهل. و الصدمة إن الفاينل كان وايد سهل و تافه! و إجمالاً المادة سهلة و خفيفة و جبت B- و رفعتني قريد فصرت B.

شرحها زين و ممتع و تقسيمه الدرجات مو حلوه و تعتمد بس على الامتحانات و امتحاناتها تخربط و كان في ٥٠ سؤال بالميد اختياري و تعطي بونص مرات

تشرح بضمير و حقانيه حيل و اختباراتها تتكرر باختلاف الافكار لكن المبدأ واحد و تشرح من سلايدات بس تقول اشياء زياده مو مكتوبه ف لازم تنوتين

خذيت عندها مدخل اعلام وكانت حيييل زينه تهتم بالحضور ونادر تقبل طبيات وما تعطي اوف حتى برمضان بس كله يهون لان شرحها زين والكلاس كان ممتع حيييييل الاختبارات كانت صح وخطأ و موضوعي وكان يتكرر من الاختبارات السابقه نفس الفكره تقريبًا وكان سهل حييل بالنهايه تعطي بونص للي ما غاب ولا مره واخر شي رفعتنا قريد , انصح فيهاااا اذا تبون تدرسون وتهتمون بس اذا تبون ايزي A بدون دراسه دكتوره عاليه ما تنفع لكم

خذيت عندها الكورس الي طاف شرحها حيل عجيب وممتع وتشرح من قلب حقانيه بس مافي اسلوب وتعاون معا الطالب ما تاخذ وتعطي بالكلام اختباراتها لخبطه عادي تجيب سوال وتغير حرف واحد بس ويكون خمسين سوال تقريبا نفس الفكرة وتسوي تركات بالاسئلة في إحسن إذا تبون تجيبون قريد حلو

.

.

من احلى الدكاتره اللي مروا علي. تحب المشاركة و الدراسه من السلايد+تنويت لازمممم تنوتون و تركزون بالمحاضره. المادة بالعربي بس إذا تبون تحلون المقالي بالإنجليزي ترضى. وايد تعطي كويزات و هذا الشي يساعد. ارد آخذ عنده

الدكتوره كشرح زينه بس اختباراتها شوي تخربط و ترفع قريد تقريبا خذيت عندها C ودرجتي كانتC-